WhatsApp საკუთარ თავთან შეტყობინების გაგზავნას ამარტივებს

WhatsApp-მა ახალი ფუნქცია დაამატა, რომელიც საშუალებას გაძლევთ, საკუთარ თავს ესაუბროთ. შეტყობინებების გაგზავნა კი თქვენს საკუთარ ანგარიშზე შეიძლება იყოს ინფორმაციის დამახსოვრების/მოძიების ადვილი საშუალება.

ფუნქცია სახელწოდებით „შეტყობინების გაგზავნა საკუთარ თავთან“, საშუალებას აძლევს მომხმარებლებს, გაგზავნონ საკუთარ თავთან შენიშვნები, შეხსენებები და საყიდლების სიები.

ფუნქცია მეტამ ორშაბათს დააანონსა და ის ხელმისაწვდომი იქნება უახლოეს კვირებში ყველა Android და iPhone მომხმარებლისთვის გლობალურად.

მომხმარებლები საკუთარ ანგარიშს WhatsApp-ის კონტაქტების სიის ზედა ნაწილში დაინახავენ, როდესაც ახალი ჩათის წარმოქმნას მოინდომებენ. ამ კონტაქტზე შეხებით ისინი გადავლენ ჩათის ეკრანზე, რომელიც შეიძლება გამოიყენონ საკუთარი თავისთვის შეტყობინებების გასაგზავნად.

მომხმარებლებს შეუძლიათ, აგრეთვე ჩაამაგრონ თავიანთი თვით-ჩათის შეტყობინებები საუბრის სიის ზედა ნაწილში, თუ მათ არ სურთ მოძებნონ ისინი ჩათების სიაში.

WhatsApp-ის კონკურენტ Signal-ს აქვს ფუნქცია სახელწოდებით Note to Self, რომელიც ასევე საშუალებას გაძლევთ, გაგზავნოთ საკუთარ თავთან შეტყობინებები პირადი გამოყენებისთვის. თუმცა, WhatsApp-ის ახლად გაშვებული ფუნქციისგან განსხვავებით, რომელიც ხელმისაწვდომია აპის საკონტაქტო სიის ზემოდან, Signal არ გვთავაზობს საკუთარ პროფილს მიმღებთა სიის ზედა ნაწილში. მომხმარებლებმა უნდა მოძებნონ და აირჩიონ საკონტაქტო ჩანაწერი „Note to Self“ ფუნქციის გამოსაყენებლად.