ყველაფერი საქართველოს ბანკის ახალი საინვესტიციო პლატფორმის შესახებ

საქართველოს ბანკი მომხმარებელს ახალ საინვესტიციო პროდუქტს სთავაზობს. სიახლე მისი ჯგუფის შვილობილ კომპანია Galt & Taggart-თან და საერთაშორისო ფინანსური ტექნოლოგიების პლატფორმა DriveWealth-თან პარტნიორობით ინერგება.

ამიერიდან, აშშ-ის საფონდო ბირჟებზე ინვესტირება და ფასიანი ქაღალდებით ვაჭრობა პირდაპირ მობილბანკიდან იქნება შესაძლებელი. „საქართველოს ბანკის ინვესტიციების“ საშუალებით, მომხმარებლები ისეთი საერთაშორისო კომპანიების აქციებით ვაჭრობას შეძლებენ, როგორებიცაა Apple, Amazon, Microsoft, Tesla, Google, Coca-Cola და სხვები.

პროდუქტის შესახებ

საქართველოს ბანკის საინვესტიციო პლატფორმით მომხმარებლები სასურველი კომპანიების აქციების შეძენას საკუთარ მობაილბანკში შეძლებენ. ამისათვის მხოლოდ ღილაკზე ერთი დაჭერა და 1 აშშ დოლარიც საკმარისია. აღსანიშნია, რომ საინვესტიციო ანგარიშის გახსნა ონლაინრეჟიმშია შესაძლებელი.

პლატფორმის დამატებითი უპირატესობებია:

– საინვესტიციო პროდუქტების დიდი არჩევანი – მომხმარებელს წვდომა აქვს ათასობით კომპანიის აქციაზე, რომელიც ამერიკულ ბირჟებზე (NASDAQ, NYSE) ივაჭრება.

– წილადობრივი ინვესტირება – შესაძლებელია საერთაშორისო კომპანიების აქციების მხოლოდ ნაწილის შეძენა და ინვესტირება 1 აშშ დოლარითაც კი.

– დაბალი ტარიფები

– უსაფრთხოება – მომხმარებლის ანგარიში დაზღვეულია $500,000-ამდე აშშ-ის ფასიანი ქაღალდების დაზღვევის კორპორაციის (SIPC)-ის მიერ.

– ხელსაყრელი საგადასახადო პირობები – შეძენილ ფასიან ქაღალდებზე მიღებული კაპიტალური მოგება საქართველოს მოქალაქეებისთვის არ იბეგრება.

შენიშვნა: ინვესტირების ნებისმიერი სტრატეგია და ინვესტიციები ზარალის რისკს შეიცავენ. სტატიაში მოცემული ინფორმაცია არ არის საინვესტიციო რჩევა.