უკრაინული სტარტაპ ეკოსისტემა

სტარტაპ ეკოსისტემა სხვადასხვა ქვეყანაში სხვადასხვაგვარად ვითარდება. ყველაზე ხშირად აქცენტი ამერიკულ “Unicorn” სტარტაპებსა და აქსელერატორებზე/ინკუბატორებზე კეთდება. თუმცა, მიმდინარე მოვლენებმა დიდი ბიძგი მოგვცა, უკრაინული ეკოსისტემის შესახებ მეტი ინფორმაცია მოგვეძიებინა, მით უფრო, რომ ეს ქვეყანა განვითარების მზარდი ტემპით გამოირჩევა ამ ინდუსტრიაში.

უკრაინის სტარტაპ ეკოსისტემამ ბოლო რამდენიმე წელია აქტიურად დაიწყო განვითარება. ქვეყანაში 100 000-ზე მეტი IT პროფესიონალი ცხოვრობს და მათი უმეტესობა დეველოპერები არიან. ხელსაყრელი ფასი-ხარისხის თანაფარდობა და ხარისხის ნიჭი უკრაინას აქცევს ერთ-ერთ მთავარ ფოკუსად ტექნიკური გიგანტებისთვის, როგორიცაა Microsoft და Boeing, რათა მათ პროგრამული უზრუნველყოფის განვითარების საჭიროებებს აუთსორსინგი გაუწიონ. ბოლო რამდენიმე წლის განმავლობაში აქტიურად დაიწყო სხვადასხვა სახის ინკუბატორებისა და აქსელერატორების შექმნა. ეს გამოწვეულია სტარტაპ ეკოსისტემის განვითარებით და ქვეყანაში ინოვაციური მეწარმეობის სფეროსადმი ინტერესით. ამჟამად ქვეყანა მსოფლიოში ერთ-ერთი ლიდერია IT სფეროში მომუშავე ადამიანების რაოდენობით და აჩვენებს ყოველწლიურ ზრდას საინფორმაციო ტექნოლოგიების სფეროში.

სწორედ ამიტომ, გადავწყვიტეთ, გიამბოთ უკრაინულ წარმატებულ სტარტაპებზე, ინკუბატორებზე, აქსელერატორებსა და ყველა იმ ელემენტზე, რაც, საბოლოო ჯამში, მთლიან ეკოსისტემას ქმნის.

სტარტაპ ინკუბატორები

აქსელერატორების მსგავსად, უკრაინული სტარტაპ ინკუბატორების რიცხვი და საქმიანობა ასევე მრავლფეროვანია. წარმოგიდგენთ რამდენიმე მნიშვნელოვან სტარტაპ ინკუბატორს:

1991 Open Data Incubator – ინკუბაციური პროგრამის ფარგლებში სტარტაპები აძლიერებენ ფინანსურ ცოდნას და იღებენ რჩევებს ფინანსურ მოდელზე. ინკუბატორი სტარტაპებს სთავაზობს: საინვესტიციო რაუნდის გაზრდას, სახელმწიფო საწარმოსთან გაერთიანებას, არასამთავრობო ორგანიზაციის შექმნას შემდგომი საგრანტო მხარდაჭერის უზრუნველსაყოფად და ა.შ

EIT – EIT Digital Venture-ის პროგრამა სტარტაპებს იდეიდან ინვესტირებაზე გადაყვანას ერთ წელზე ნაკლებ დროში ჰპირდება. ინკუბატორის პროგრამები ბოლო პერიოდში ონლაინ რეჟიმში ტარდება.

eō Business Incubator – მის ბირთვს წარმოადგენს ინტენსიური 4-თვიანი სასწავლო პროგრამა, რომელიც შექმნილია მეწარმეებისა და დამფუძნებლების დასახმარებლად, რათა წამოიწყონ და გააფართოვონ თავიანთი ტექნოლოგიური ბიზნესი.

უკრაინული სტარტაპ აქსელერატორები

ცნობილია, რომ უკრაინული აქსელერატორები დამფუძნებლებს წარმოუდგენელ ღირებულ მხარდაჭერას სთავაზობენ პროდუქტის განვითარების, გაყიდვებისა და მარკეტინგისთვის. უკრაინაში დაფუძნებული ტოპ აქსელერატორების სია ამგვარია:

ISE Corporate Accelerator – იგი ცდილობს, სამეწარმეო, სამეცნიერო და ტექნოლოგიური ტალანტის მქონე სტარტაპერებს ხელი შეუწყოს, ასევე, მოახდინოს ციფრული ეკონომიკის მიმართულების სტიმულირება და ინოვაციური კულტურის შექმნა უკრაინაში.

Startup Wise Guys – ეს არის 5 თვიანი მენტორების პროგრამა, რომელიც სტარტაპერებს დაფინანსების მოზიდვაში ეხმარება. აქსელერატორი აერთიანებს ოთხი მიმართულებას – B2B SaaS, Fintech, კიბერი და მდგრადობა.

Blue Lake – იგი ექსკლუზიურად უკრაინის სტარტაპ ფონდისთვის შეიქმნა და აქვს სამთვიანი აქსელერაციის პროგრა, რომელიც ადრეულ ეტაპზე მყოფ უკრაინულ სტარტაპებს ეხმარება მომდევნო, პრაქტიკული ნაბიჯების გადადგმაში.

Eastlabs – ეს აქსელერატორი ადრეული ეტაპებზე მყოფ ონლაინ კომპანიებს დაფინანსებითა და მენტორობით უზრუნველყოფს.

სხვა მნიშვნელოვანი სტარტაპ აქსელერატორებია: IoT Hub, FeelGoodLabs, Startup Constructor, Happy Farm Business Accelerator და ა.შ

უკრაინული Unicorn სტარტაპები

“უნიქორნები” ეს ის სტარტაპია, რომლის ღირებულება ასცდა $1მლრდ. არც ისე დიდი ხის წინ უკრაინაში მსგავსი სტარტაპები სწრაფად მზარდი და განვითარებადი – IT ინდუსტრიიდან გაჩნდნენ.

ამ მომენტში აქტიური Unicorn სტარტაპებია:

• GitLab
• Grammarly
• Genesis
• People.ai
• Firefly Aerospace.

ყოფილი Unicorn სტარტაპებია:

• Ring
• Looksery.

ასევე უკრაინა მდიდარია პოტენციური Unicorn სტარტაპებითაც, რომელთა ღირებულება ჯერ არ ასცდენია $1მლრდ. ესენია:

• Monobank
• Preply
• Restream
• Reface
• Rozetka
• Letyshops
• Rocket
• Ajax Systems