მიუხედავად Apple-ის სიახლეებისა, მისი აქციების ფასი ეცემა

Apple-მა სულ ახლახან მნიშვნელოვანი ცვლილებების შესახებ დააანონსა. ფაქტობრივად, კომპანიამ დღის შუქზე გამოიტანა ის უამრავი პროდუქტი, რომელსაც 1 წლის განმავლობაში ქმნიდა და რომლებიც აქამდე ინვესტორებს არ ენახათ. მიუხედავად ამ ყველაფრისა, ეს ტრადიციული ღონისძიება მაინც ჩვეულებრივ მოვლენად რჩება და ინვესტორები მისით დიდად არ ინტერესდებიან. რატომ? ეს ცოტათი ბუნდოვანი საკითხია.

აქედან გამომდინარე, საინტერესოა, როგორ შეიცვალა კომპანიის აქციების ღირებულება ღონისძიების შემდეგ? აქ მოცემულია Apple-ისა და Intel-ის აქციების ფასის დიაგრამა, ფასის მონაცემებთან ერთად:

ამ მონაცემების მიხედვით, შეგვიძლია, ვთქვათ, რომ საკმაოდ არასტაბილური დღე იყო ბაზარზე ამ ორი კომპანიისთვის. აქციების ფასი ჯერ დაეცა, შემდეგ აიწია, შემდეგ კი ისევ დაეცა.

მიუხედავად იმისა, რომ შესაძლოა, ამ ფაქტს პირდაპირი კავშირი მაინც და მაინც არ ჰქონდეს ეფლის აქციებთან, მისი ღონისძიება 8 მარტს აშკარად დაჩრდილული იყო მსოფლიო გეოპოლიტიკური მდგომარეობით. გარდა ამისა, ზოგიერთი ექსპერტი თვლის, რომ ინვესტორები Apple-სგან კიდევ უფრო მეტს და ახალს ელიან.

Apple-ის ღონისძიებები ყოველთვის თეატრალური და სახალისოა. თუმცა, ხშირად ეს ნიღაბი ფარავს იმ ფაქტს, რომ კომპანია მხოლოდ და მხოლოდ ხვეწავს უკვე არსებულ პროდუქტებს. ის აღარ ამზადებს პროდუქტს, რომელიც მსოფლიოს აღაფრთოვანებს. უკვე ყოველ წელს აუდიტორიამ თითქმის იცის, რას გამოუშვებს Apple. რეალურად კი, ამ აუდიტორიას სჭირდება ისეთივე ახალი და ორიგინალური პროდუქტი, როგორიც პირველი iPhone იყო 2007 წელს. იქნებ სწორედ რომ ამგვარ სიახლეს ესწრაფვიან ინვესტორები და აქციების ფასიც ამიტომ ეცემა?.. ამ კითხვაზე ზუსტი პასუხი ჯერ არავის აქვს.

თუმცა კი, ცხადია, რომ Apple 2022 წელსაც დიდი მონდომებით შეხვდა. ვინ იცის, იქნებ კომპანიამ სულ მალე შემოგვთავაზოს პროდუქტი, რომელიც სრულიად განსხვავებული იქნება..