Google-მა ChatGPT-ს კონკურენტის, Bard-ის გამოშვება დააანონსა

უკვე ოფიციალური ინფორმაციაა, რომ Google ChatGPT-ის კონკურენტზე მუშაობს და მისი სახელი Bard იქნება.

„ეს არის ექსპერიმენტული სასაუბრო AI სერვისი, რომელიც მომხმარებლების შეკითხვებს უპასუხებს და მიიღებს მონაწილეობას საუბრებში. პროგრამული უზრუნველყოფა ჯერჯერობით ხელმისაწვდომი იქნება „სანდო ტესტერების“ ჯგუფისთვის,” – ამბობს Google-ის აღმასრულებელი დირექტორი, – „მომავალ კვირებში კი ის უფრო ფართოდ ხელმისაწვდომი გახდება საზოგადოებისთვის“.

ზუსტად არ არის ნათელი, რა შესაძლებლობები ექნება ბარდს, მაგრამ, როგორც ჩანს, ჩატბოტი ასევე უფასო იქნება, როგორც OpenAI-ის ChatGPT.

მიუხედავად იმისა, რომ Google-ს აქვს ღრმა გამოცდილება იმ AI-ში, რომელიც აძლიერებს ChatGPT-ს (ნამდვილად, მან გამოიგონა საკვანძო ტექნოლოგია – ტრანსფორმატორი, რომელიც არის “T” GPT-ში), კომპანია ამ დრომდე უფრო ფრთხილ მიდგომას იყენებდა თავისი ხელსაწყოების გაზიარებისთვის.

Bard-ის შექმნა მიუთითებს Google-ის ამ ტექნოლოგიისადმი მიდგომის ეტაპობრივ ცვლილებას. თავის ბლოგ-პოსტში, პიჩაი ხაზს უსვამს, რომ Google გააერთიანებს „გარე გამოხმაურებას ჩვენს საკუთარ შიდა ტესტირებასთან, რათა დარწმუნდეს, რომ ბარდის პასუხები აკმაყოფილებენ მაღალი ხარისხის და უსაფრთხოებისა დონეს რეალურ სამყაროში“ – მაგრამ ეს სისტემა მეტ-ნაკლებად გარანტირებულია. დაუშვებს შეცდომებს, შესაძლოა სერიოზულ შეცდომებს.

იმავდროულად, Google ასევე ხაზს უსვამს იმას, თუ როგორ აყალიბებს AI-ს თავის მრავალ პროდუქტში, მათ შორის ძიებაში. ბოლო რამდენიმე წლის განმავლობაში, Google იყენებდა AI-ს უფრო და უფრო მეტი ძიების შედეგების შესაჯამებლად, საიტებიდან ინფორმაციის მოპოვების მიზნით. პიჩაის პოსტიდან, როგორც ჩანს, ეს მახასიათებლები მომავალში უფრო მნიშვნელოვანი გახდება.