ფილმებისა და შოუების ყიდვა ამიერიდან Google TV-ში იქნება შესაძლებელი

ცოტა ხნის წინ Google-მა განაცხადა, რომ ის მაისიდან აღარ გაყიდის ფილმებსა და სატელევიზიო შოუებს Play-ს აპლიკაციიდან. ამის ნაცვლად კი, მომხმარებლები შეძლებენ, ფილმებსა და შოუებს პირდაპირ Google TV-ს აპლიკაციიდან უყურონ.

„Google TV-ზე თქვენ გექნებათ ზუსტად ის გამოცდილება, რასაც დროთა განმავლობაში Google Play-ზე შეეჩვიეთ. თუმცა კი, Google TV-ში უახლეს ფილმებსა და შოუებს და ახალ შეთავაზებებს წააწყდებით,“ – აცხადებს კომპანია. მომხმარებლების მიერ აქამდე შეძენილი კონტენტი ასევე ხელმისაწვდომი იქნება ახალ აპლიკაციაშიც და Google Play-ს საკრედიტო/სასაჩუქრე ბარათების გამოყენება კვლავაც იქნება შესაძლებელი.

საბოლოო ჯამში, ეს არ არის დრამატული ცვლილება. თუმცა, გუგლის ახალი გადაწყვეტილება დახუროს Google Play Music YouTube Music-ის სასარგებლოდ, შეიძლება მიუთითებდეს იმაზე, რომ Google ამცირებს Google Play ბრენდის დამოკიდებულებას ციფრული საქონლის მიმართ. Play-ს კვლავ ექნება აპლიკაციების მაღაზიის დანიშნულება, ასევე – აქ იქნება თამაშებიც და წიგნებიც.

გუგლის მსგავსად Apple-ც სხვადასხვა კონტენტს სხვადასხვა აპლიკაციაში სთავაზობს მომხმარებლებს. აპლიკაციები არის App Store-ში, მუსიკა არის iTunes-ში, ფილმები და სატელევიზიო შოუები არის Apple TV აპში, ხოლო წიგნები – Apple Books-ში.