Instagram-ს არხები ემატება – რა უნდა ვიცოდეთ?

ცოტა ხნის წინ ინსტაგრამს ახალი ფუნქცია დაემატა და ამის შესახებ მარკ ცუკერბერგმა ინსტაგრამის შეტყობინებით აუწყა საზოგაოდებას.

ახალ ფუნქციას ჰქვია სამაუწყებლო არხები, რომლებშიც კრეატორებს შეუძლიათ, ყველა თავის მიმდევარს ერთდროულად გაუგზავნონ ცალმხრივი ჯგუფური შეტყობინებები. მიმდევრებს შეუძლიათ რეაგირება იქონიონ შეტყობინებებზე და მონაწილეობა მიიღონ გამოკითხვებში, მაგრამ მათ არ შეუძლიათ პასუხის დაწერა. მეტა ამბობს, რომ კომპანიის მიზანია, კრეატორებს შეეძლოთ “დაეხმარონ მიმდევრებს, რომ იყვნენ ინფორმირებულნი უახლესი განახლებების, ფოტოების, ვიდეოების, ხმოვანი ჩანაწერების და გამოკითხვების გამოყენებით.”

როგორც კი კრეატორი მიიღებს წვდომას და შექმნის არხს, შეტყობინება მათ მიმდევრებს გაეგზავნება. კრეატორებს შეუძლიათ დაამატონ სტიკერი „არხთან წვდომა“ Stories-ში ან დაამატონ არხის ბმული თავიანთ პროფილში.

მომხმარებლებს, რომლებიც შეუერთდებიან არხს, შეუძლიათ იპოვონ ის ინსტაგრამის ინბოქსში. მათ შეუძლიათ, ნებისმიერ დროს დატოვონ სამაუწყებლო არხები, ან მთლიანად გამორთონ კრეატორის სამაუწყებლო არხის შეტყობინებები.