ილონ მასკმა Twitter იყიდა

ილონ მასკმა ცოტა ხნის წინ Twitter Inc-ის (TWTR.N) შესყიდვის შესახებ შეთანხმება გააფორმა. მასკმა პლატფორმა 44 მილიარდ დოლარად შეიძინა. ეს არის მნიშვნელოვანი მომენტი 16 წლის კომპანიისთვის, რომელიც ახლა მთელი რიგი გამოწვევების წინაშე დგას. ამიერიდან, მასზე კონტროლს მსოფლიოს უმდიდრესი ადამიანი აიღებს.

მასკმა, რომელიც საკუთარ თავს სიტყვის თავისუფლების აბსოლუტისტს უწოდებს, Twitter-ის მოდერაცია გააკრიტიკა. მას სურს, რომ Twitter-ის ალგორითმი პრიორიტეტული ტვიტებისთვის იყოს საჯარო და ეწინააღმდეგება სერვისზე მეტისმეტად დიდი ძალაუფლების მინიჭებას კორპორაციებისთვის, რომლებიც რეკლამას ავრცელებენ.

მასკი ასევე მხარს უჭერს მომხმარებლისთვის მოსახერხებელ ფუნქციებს, როგორიცაა რედაქტირების ღილაკი და „სპამ-ბოტების“ გაუქმება, რომლებიც არასასურველი ტვიტების დიდ რაოდენობას აგზავნიან.

„სიტყვის თავისუფლება არის დემოკრატიის საფუძველი, ხოლო Twitter არის ციფრული ქალაქის მოედანი, სადაც  კაცობრიობის მომავლისთვის სასიცოცხლო მნიშვნელობის საკითხები განიხილება“, – თქვა მასკმა განცხადებაში.

აქვე გეტყვით, რომ სამი კვირის განმავლობაში მასკი კომპანიის ერთ-ერთი უმსხვილესი აქციონერი გახდა და მას საბჭოს ადგილი შესთავაზეს, რაზეც მან უარი თქვა. შემდეგ მასკმა წამოიწყო არასასურველი ტენდერი კომპანიისთვის 14 აპრილს და აქციის ფასად 54,20 დოლარი განსაზღვრა. Twitter თავდაპირველად ცდილობდა, ხელი შეეშალა მასკის წინსვლას, მაგრამ საბჭო იძულებული გახდა შაბათ-კვირას მოლაპარაკებების მაგიდაზე დამჯდარიყო მას შემდეგ, რაც ილონ მასკმა გარიგებისთვის $46.5 მილიარდი დაფინანსების პაკეტი შესთავაზა მათ.

„ტვიტერის საბჭომ ჩაატარა გააზრებული და ყოვლისმომცველი პროცესი ილონის წინადადების შესაფასებლად. შემოთავაზებული ტრანზაქცია მისცემს მნიშვნელოვან ფულად პრემიას აქციონერებს და ჩვენ გვჯერა, რომ ეს საუკეთესო ნაბიჯია მათთვის,” – თქვა ბრეტ ტეილორმა, Twitter-ის თავმჯდომარემ.

პოლიტიკური აქტივისტები იმედოვნებენ, რომ მასკის რეჟიმის ფარგლებში ტვიტერი ნაკლებად ზომიერი იქნება და პლატფორმაზე აკრძალული პირები დაბრუნდებიან, მათ შორის, ყოფილი პრეზიდენტი, დონალდ ტრამპი.