ემირატების ეკონომიკის სამინისტროს ცენტრალური ოფისი მეტავერსში განთავსდება

ცოტა ხნის წინ ცნობილი გახდა, რომ არაბთა გაერთიანებული საემიროების ეკონომიკის სამინისტროს ცენტრალური ოფისი მეტავერსში განთავსდება.

ამ პროცესში აქტიურადაა ჩართული ლევან ბოძაშვილი, რომელიც პროგრამის მრჩევლის როლს შეასრულებს დუბაის შეიხის მთავრობასთან. მისივე თქმით, შეთანხმებები, ტენდერები, შესყიდვები, და სხვა ბევრი რამ, მეტავერსის მეშვეობით განხორციელდება და მთელი მსოფლიოს მასშტაბით ნებისმიერ ადამიანს შეეძლება, ეს საკუთარი ავატარებით, დუბაიში ჩაუსვლელად გააკეთოს.

“მხოლოდ ეს პროექტი ცალკე, 5 წელიწადში დუბაის დამატებით 40000 სამუშაო ადგილსა და 4 მილიარდ დოლარს მოუტანს,” – ამბობს ლევანი.

აქვე გეტყვით, რომ დუბაის მთლიანი ტექნოლოგიების პროგრამის ბიუჯეტი 2022-2024 წლებში, $ 49 მილიარდს შეადგენს.