2020 წლის საუკეთესო ბიზნეს-წიგნები

2020 წლის ამბებიდან გამომდინარე, ალბათ, ბიზნეს-წიგნების თვალიერება თქვენს პრიორიტეტებში ვერ მოხვდებოდა; ეს კი, წესით, იმას ნიშნავს, რომ ზოგიერთი “მარგალიტი” მხედველობიდან გამოგრჩებოდათ. სწორედ ამიტომ გთავაზობთ 2020 წლის საუკეთესო ბიზნეს-წიგნების ოცეულს. აქ ყველა ტიპის წიგნია – ქეისებზე კონცენტრირებულიდან დაწყებული, ნაბიჯ-ნაბიჯი გიდით დამთავრებული. მათი რანჟირება Goodreads-ის მკითხველთა მიმოხილვებს ემყარება და 100 ქულიან სკალაზეა ნორმალიზებული.

20 Radical Uncertainty: Decision-Making Beyond the Numbers

ავტორი: John Kay და Mervyn King

ეს წიგნი ერთგვარი მასტერკლასია იმის შესახებ, რატომ არ უნდა დავეყრდნოთ ყველაფერში მათემატიკურ მოდელებს, რამდენადაც თავად ეს მოდელებიც ვარაუდებს ემყარება. არასწორი დათქმა კი არასწორ დასკვნას ნიშნავს.

19 Leadership is Language: The Hidden Power of What You Say — And What You Don’t

ავტორი: L. David Marquet

ამ წიგნში მოცემულია საინტერესო მიდგომა და თანამედროვე რჩევები ლიდერშიპზე. განსაკუთრებით – ადამიანების კატეგორიზებასთან დაკავშირებით. ის გეუბნება: ნუ ეცდები, იყო მოქმედი, ნაცვლად მოფიქრალისა, არამედ, ეცადე, იყო ორივე. წიგნში უარყოფილია ძლიერი ლიდერის იდეა და მოცემულია მაგალითები, იმის საჩვენებლად, რომ ლიდერმა დანარჩენებს ხმამაღალი, გულახდილი ლაპარაკისკენ უნდა მოუწოდოს.

18 Your Next Five Moves: Master the Art of Business Strategy

ავტორი: Patrick Bet-David

ეს წიგნი გიხელმძღვანელებთ საკუთარი თავის შეცნობაში, მსჯელობის უნარის დაუფლებაში, გუნდური მუშაობის გაუმჯობესებასა და ძალაუფლების გადათამაშებაში. ავტორი მრავალფეროვან მაგალითებს იყენებს, რომელთა შორისაც ფილოსოფოსები და მაფიოზებიც კი ხვდებიან.

17 Billion Dollar Brand Club: The Rebel Startups Disrupting Industry Empires

ავტორი: Lawrence Ingrassia

წიგნი ფოკუსირდება სტარტაპების ნაკლებად ცნობილ ისტორიებზე, რომლებიც კომპანიების მფლობელთათვის საოცნებოდ ჟღერს. თუმცა, აქვე შევხვდებით პოპულარული კომპანიების დაღმასვლის ამბებსაც. ქეისების მოყვარულთათვის წიგნი ნამდვილი მისწრებაა.

16 The Innovation Stack: Building an Unbeatable Business One Crazy Idea at a Time

ავტორი: Jim McKelvey

ავტორის სახელი, შესაძლოა, დიდად არ გეცნობათ, მაგრამ ამ კაცის დაფუძნებული კომპანიის, Square-ის შესახებ მეტს გეცოდინებათ ან დარწმუნებულები ვართ, მალე გაიცნობთ. ავტორი საოცრად თავმდაბლად ლაპარაკობს და სხვა მილიარდერი ანტრეპრენერებისგან განსხვავებით, ქედმაღლურ ტონსაც არ გრძნობთ.

15 How I Built This: The Unexpected Paths to Success from the World’s Most Inspiring Entrepreneurs

ავტორი: Guy Raz

გაი რაზის ეს წიგნი მის მიერ 200-ზე მეტ ანტრეპრენერთან ჩატარებულ ინტერვიუს ემყარება. იმ ანტრეპრენერ-ავტორებისგან განსხვავებით, რომლებიც პირად გამოცდილებაზე დაყრდნობით წერენ და სუბიექტურობას იჩენენ ხოლმე, გაი უფრო ობიექტურ და ღრმა შეხედულებებს გვაწვდის.

14 Marketing Made Simple

ავტორები: Donald Miller, J.J. Peterson

ეს წიგნი ახალბედა ანტრეპრენერთათვის შესანიშნავი სახელმძღვანელოა თავიანთი საქმის დასაწყებად. ის ყველა ისეთ კითხვაზე პასუხს შეიცავს, რომლის დასმაც, შესაძლოა, გეუხერხულებათ და აგრეთვე, ნაბიჯ-ნაბიჯ მისაყოლ ინსტრუქციებსაც იძლევა.

13 Billion Dollar Loser: The Epic Rise and Fall of WeWork

ავტორები: Reeves Wiedeman, Will Collyer, et al.

ანტრეპრენერისთვის, შეიძლება, სხვების მარცხის შესახებ დეტალური ანალიზის წაკითხვა უფრო სასარგებლოა, ვიდრე წარმატების საოცარი ისტორიების, რადგან ეს დაეხმარება, იგივე შეცდომები არ გაიმეოროს. სწორედ ამ ისტორიებს შეხვდებით ამ წიგნში.

12 How Innovation Works: And Why It Flourishes

ავტორი: Matt Ridley

მეტ რიდლი ამ წიგნში ჩვენს მცდარ წარმოდგენებს ანგრევს: ჩვენ ხომ ერთ პიროვნებას ვსახავთ ხოლმე გმირად მაშინ, როცა სინამდვილეში  ინოვაციები გუნდების თავდადებული მუშაობით იქმნება. წიგნი ასევე ბევრი გაკვეთილით არის გაჯერებული და გამოადგება ნებისმიერს, ვინც თავს ინოვატორად მიიჩნევს. წიგნი მათ დაეხმარებათ, რომ წარმატების მოლოდინებით, სინამდვილეში, დამღუპველი მიმართულებით არ წარმართონ საქმე.

11 Think Like a Rocket Scientist

ავტორი: Ozan Varol

სათაურმა არ შეგაშინოთ – რაკეტები არაფერ შუაშია. უბრალოდ, ავტორი წერს პრობლემებთან მიდგომის სტრუქტურებსა და გზებზე, რომ ხელმძღვანელებს ყოველდღიური გადაწყვეტილებების მიღება გაუადვილოს.

ოზანს გასაოცარი სიღრმის მაგალითები მოყავს, თუმცა იმგვარად ხსნის, რომ ყველაფერს მარტივად გასაგებს ხდის.

10 Facebook: The Inside Story

ავტორი: Steven Levy

სტივენს, მარკ ცუკერბერგთან და შერილ სენდბერგთან, რომელიც Facebook-ის ოპერაციული დირექტორია, ბევრი წლის მანძილზე ჰქონდა პირდაპირი წვდომა, რომ ფეისბუქის ისტორიის შესახებ ეს წიგნი დაეწერა. ის სავსეა მაგალითებით ფეისბუქის კულტურიდან, ყველაზე კარგი ისაა, რომ ეს წიგნი ცუკერბერგის გაგმირებას ან პირიქით, მის გა-villain-ებას არ ცდილობს, უბრალოდ ინფორმაციას გაწვდის და დასკვნა ჩვენით უნდა გამოვიტანოთ.

9 The Future Is Faster Than You Think: How Converging Technologies Are Transforming Business, Industries, and Our Lives

ავტორი: Peter H. Diamandis

ამ წიგნის ავტორის სპეციალობებში მოლეკულური გენეტიკა, აერო და ასტრონავტიკა და სამედიცინო განათლებაც კი შედის. ამ ყოველივეს შემდეგ კი, Zero Gravity-ის შექმნით, წარმატებული ანტრეპრენერიც გახდა. ის წიგნში იმ ყველაზე საინტერესო ინოვაციებსა და გამოგონებებს შეეხება, რომელზე მუშაობაც ამჟამად მიმდინარეობს და დიდი შანსია ისინი, ჩვენი ყოველდღიურობის ნაწილი გახდნენ. მოკლედ, ვინც ტექნოლოგიებზეა შეყვარებული, მისთვის ეს წიგნი must-read-ია.

8 Hustle Harder, Hustle Smarter

ავტორი: Curtis Jackson (50 Cent)

კი, კი, კი – ეს ის 50 Cent-ია. მაგრამ ამის გამო ნუ იტყვით უარს ამ წიგნზე. (ძალიან შეცდებით) კურტისი თავისი მუსიკალური კარიერის შემდეგ წარმატებულ ანტრეპრენერად იქცა.

ის შესანიშნავად წერს და დამრიგებლური ტონის გარეშე გვიზიარებს მის, როგორც ანტრეპრენერის აღმოჩენებს.

7 Upstream

ავტორი: Dan Heath

ეს წიგნი ემყარება მარტივ იდეას: ვიდრე პრობლემები ჩვენამდე მოაღწევენ, უმჯობესია ჩვენით მივიდეთ დინების სათავესთან და მანამ დავუპირისპირდეთ, ვიდრე ხელიდან გაგვისხლტებიან. ეს იდეა ახალი არაა, მაგრამ წიგნი თავისი მაგალითებითაა ღირებული და კარგადაც იკითხება.

6 No Filter: The Inside Story of Instagram

ავტორი: Sarah Frier

სარა ჟურნალისტია, რომელმაც ინსტაგრამის ინსაიდერებთან აქტიური კავშირის წყალობით, ჯერჯერობით ყველაზე “ჩახედული” მასალა შემოგვთავაზა კომპანიის შესახებ. და კი, წიგნში ის დროც არის აღწერილი რაც ხდებოდა ინსტაგრამში, როდესაც facebook კომპანიით დაინტერესდა.

5 Dark Towers: Deutsche Bank, Donald Trump, and an Epic Trail of Destruction

ავტორი: David Enrich

მართალია, სათაურში დონალდ ტრამპი უფრო ყურადღების მისაქცევად არის; სინამდვილეში, წიგნი Deutsche Bank-ის ჩახლართულ ისტორიაში იჩხრიკება. წიგნი იოლად ნამდვილად არ იკითხება; უფრო იმ ხალხისთვისაა, ვინც ან ფინანსურ სფეროში მუშაობს ან ძალიან აინტერესებს ის. წიგნში ძალიან კარგადაა აღწერილი, რა მოსდით კომპანიებს, როდესაც მოკლევადიან ფინანსურ მაჩვენებლებს ამჯობინებენ გრძელვადიან სიჯანსაღეს.

4 No Rules Rules: Netflix and the Culture of Reinvention

ავტორები: Reed Hastings და Erin Meyer

რიდი ამ წიგნში იკვლევს, თუ როგორ დაეხმარა Netflix-ს თავისი უჩვეულო კულტურა წარმატების მიღწევაში. პროფესორ ერინის გავლენით კი, წიგნში აქცენტი ჩავარდნებსა და მათი დაძლევის მეთოდებზეც არის გაკეთებული.

3 The Almanack of Naval Ravikant: A Guide to Wealth and Happiness

ავტორი: Eric Jorgenson

ნავალ რავიკანტის შესახებ ნამდვილად შეიძლება ითქვას, რომ ანტრეპრენერებს შორის გამორჩეულია ცხოვრების წესთან თავისი დამოკიდებულებით: ის ცდილობს, იცხოვროს სწორად და არ გადაიწვას ფულის დევნაში. ეს ტრადიციული წიგნი არაა და ერთიანად არ იკითხება. ავტორის აზრებს ერთი ამოსუნთქვით ვერ წაიკითხავთ: ზოგჯერ, კითხვის გაგრძელებამდე, მოგიწევთ, შეჩერდეთ და წაკითხულს ჩაუღრმავდეთ რამდენიმე დღით, სანამ წიგნს უკან მიუბრუნდებით.

2 Leadership Strategy and Tactics: Field Manual

ავტორი: Jocko Willink

ჯოკო ყოფილი საზღვაო ძალების მეთაურია; წიგნი სამხედრო წესებს უბრალო მოქალაქეებისთვის თარგმნის და რჩევებად ფუთავს. ავტორი ლიდერებს მოუწოდებს, თავიანთი დაქვემდებარებულებიც ჩართონ გადაწყვეტილების მიღების პროცესში.

1 The Psychology of Money

ავტორი: Morgan Housel

ძირითადად, ადამიანები ვფიქრობთ, რომ დრო იმისთვის გვჭირდება, რომ მეტი ფული გამოვიმუშავოთ. ამ წიგნში, ეს აზრი სრულიად გადმოტრიალებულია და ავტორი ფულს, როგორც დროის სწორად გამოყენების ინსტრუმენტს აპოზიციონირებს. ამ წიგნის წაკითხვას თუ დააპირებთ, არ დასპოილერდებით, თუ გეტყვით ჩემს საყვარელ ნაწილს – რომ ადამიანები, მიზნის მიღწევის შემდეგ იმ წამსვე ვისახავთ ახალს და ამიტომ, არასდროს გვაქვს დრო, რომ ბედნიერები ვიყოთ.