Twitter-ზე პოლიტიკური რეკლამები დაბრუნდა

2019 წლის ნოემბერში Twitter-მა შეწყვიტა ფასიანი პოლიტიკური რეკლამის გაშვება. კომპანიის დამფუძნებელმა და მაშინდელმა აღმასრულებელმა დირექტორმა ჯეკ დორსიმ თქვა, რომ პოლიტიკური რეკლამები (რომლებიც მოიცავს პოლიტიკურ ტყუილს) პრობლემურია, რადგან მათი გამოყენება შესაძლებელია “ხმებზე გავლენის მოსახდენად”.

გადაწყვეტილება, რომელიც ეწინააღმდეგებოდა Facebook-ის გადაწყვეტილებას, გაეგრძელებინა პოლიტიკური რეკლამები თავის პლატფორმაზე, გააკრიტიკეს კონსერვატორებმა – მიუხედავად იმისა, რომ ის კრძალავდა რეკლამას პოლიტიკური სპექტრის ყველა მხრიდან. ახლა, აღმასრულებელი დირექტორის, ელონ მასკის ხელმძღვანელობით, Twitter ცვლის გადაწყვეტილებას.

“ჩვენ გვჯერა, რომ რეკლამას შეუძლია ხელი შეუწყოს საჯარო საუბარს მნიშვნელოვან თემებზე. ჩვენ ასევე ვგეგმავთ განვავითაროთ პოლიტიკური რეკლამა, უახლოეს კვირებში,” – განაცხადეს Twitter-ში.

აშკარაა, რომ ერთ-ერთი მთავარი მიზეზი, რის გამოც Twitter მოისურვებს პოლიტიკური რეკლამის დაბრუნებას პლატფორმაზე, არის ფული და სწორედ ამიტომ ამიერიდან პლატფორმაზე მომხმარებლები ამ ტიპის რეკლამებს იხილავენ.