WhatsApp-ს განახლებები დაემატა

WhatsApp-ს განახლებები ემატება: ამიერიდან მის მომხმარებლებს უკვე შეუძლიათ, შეტყობინებაზე Emoji-ით რეაქცია გამოხატონ. ასევე აპლიკაციაში უკვე ნებადართულია 2 გბ-მდე ზომის ფაილების გაზიარება, რაც საკმაოდ დიდი ნახტომია 100MB ლიმიტიდან. Meta-მ, WhatsApp-ის მხარდამჭერმა კომპანიამ ასევე გამოაცხადა ხუთშაბათს, რომ ის გააორმაგებს ჯგუფური ჩატების მაქსიმალურ ზომას.

როგორც ცნობილია, თავდაპირველად აპლიკაციას, რეაქციის გამოსახატად რამდენიმე emoji დაემატება და მალე მათი რიცხვი გაიზრდება. გამომდინარე იქიდან, რომ WhatsApp ჯგუფური ჩეთების მაქსიმალურ ზომას, 256-დან 512-მდე აფართოებს, რეაქციების გამოხატვის ფუნქცია კიდევ უფრო დიდ დატვირთვას შეიძენს. უნდა აღინიშინოს, რომ ეს ფუნქცია უკვე კარგა ხანია, აქვთ სხვა მსგავს აპლიკაციებს, როგორებიცაა: Slack და Telegram.

აქვე გეტყვით, რომ Emoji-ს რეაქციები და ფაილის ზომის გაზრდილი ლიმიტები ხელმისაწვდომი იქნება აპლიკაციის მიმდინარე ვერსიაში. Meta-ს სპიკერმა Vispi Bhopti-მა განაცხადა, რომ კომპანია მოელის, რომ ეს ფუნქციები დაახლოებით ერთ კვირაში ყველასთვის იქნება ხელმისაწვდომი.