რას უნდა ველოდოთ Apple-ის iPhone 14-ის ივენთიდან?

7 სექტემბერს Apple თავის გრანდიოზულ ღონისძიებას გამართავს, რომელზეც ტრადიციულად, ახალ პროდუქტებს დაასახელებს. ტექნოლოგიური გამოცემები უკვე წინასწარმეტყველებენ, რა სიახლეები შეიძლება, გაჟღერდეს ღონისძიებაზე და ჩვენც გადავწყვიტეთ, ამ ვარაუდების შესახებ ვრცლად გიამბოთ.

iPhone

მაშ ასე, მოდით, დავიწყოთ iPhone 14-ით. ძნელი დასაჯერებელია, მაგრამ მოწყობილობას ივნისში 15 წელი შეუსრულდა. რას გეგმავს Apple ამ იუბილესთან დაკავშირებით? ხმები გავრცელდა, რომ ამ წელს ეფლი, სავარაუდოდ, შეწყვეტს “მინი” მოდელის გამოშვებას 4.7 დიუმიანი ეკრანით. ამის ნაცვლად, ეფლი მომხმარებლებს შესთავაზებს ორ ზომას, ერთს – 6.1 დიუმიანი ეკრანით და მეორეს – 6.7 დიუმიანი ეკრანით. ესენი იქნება სტანდარტული და უფრო ძვირადღირებული “Pro” მოდელები.

2017 წლიდან, iPhone-ები უკვე მოიცავდა პატარა სივრცეს ტელეფონის ეკრანის ზედა ნაწილში ეფლის FaceID სისტემისთვის, რომელიც აერთიანებს რამდენიმე სენსორს და კამერას. Pro მოდელებს ამიერიდან ეს ნაწილი შეუმცირდებათ, რაც ადგილს დატოვებს კიდევ უფრო დიდი ეკრანისთვის. პრო მოდელები ასევე მიიღებენ განახლებულ A16 პროცესორებს და კამერებს. მოსალოდნელია, რომ კამერის წრე უფრო დიდი გახდება.

ერთ-ერთი ყველაზე დიდი კითხვა არის ის, თუ როგორი საფასო პოლიტიკა ექნება ეფლის ინფლაციისა და ზოგიერთ რეგიონში მაკროეკონომიკური გაურკვევლობის პერიოდში. სწორედ ამ მიზეზების გამო სხვა სამომხმარებლო ელექტრონიკა, მაგალითად Sony’s Playstation 5, გაიაფდა.

Apple-ის ყველაზე ნაკლებად ძვირადღირებული iPhone 13 მოდელი არის $699 iPhone 13 Mini, რომელიც სავარაუდოდ აღარ გამოვა. ეს გახდის Apple-ის მთავარ მოწყობილობას, რომელიც ამჟამად iPhone 13-ია, ყველაზე ნაკლებფასიან ახალ მოდელს, რომელიც 829 დოლარი ღირს.

Apple Watch

Apple სავარაუდოდ მომავალ კვირას აჩვენებს თავისი საათის მერვე ძირითად ახალ ვერსიას. გასულ წელს Apple Watch Series 7-ს ჰქონდა ოდნავ უფრო დიდი ეკრანი, მაგრამ რედიზაინმა მნიშვნელოვნად არ შეცვალა მოწყობილობის გარეგნობა, რომელიც თითქმის იგივეა 2014 წლიდან.

წელს კიდევ უფრო მეტ ევოლუციას ველით. Wall Street Journal-ის თანახმად, ეფლი განიხილავს სხეულის ტემპერატურის სენსორს ახალ მოწყობილობებში, რაც ხელს შეუწყობს პროდუქტიულობასა და ძილის კონტროლს. ძილის კონტროლის სხვა ფუნქციები შეიძლება მოიცავდეს ძილისშაბლონების ან აპნოეს გამოვლენის უნარს.

მაგრამ Apple Watch Series 8-ის ყველაზე დიდი განცხადება შეიძლება იყოს ახალი “Pro” მოდელი უფრო დიდი ეკრანით. ეფლიმ ადრე გამოუშვა Apple Watch-ები ძვირადღირებული კორპუსის მასალებით, როგორიცაა ოქრო, კერამიკა და ტიტანი, და Bloomberg-ისა და Kuo-ს მიერ აღწერილი ახალი “Pro” მოდელი შეიძლება იყოს ერთ-ერთი პირველი მაღალი კლასის Apple Watch-ები, რომლებსაც დამატებითი ფუნქციები ექნებათ. ასევე სავარაუდოა, რომ Apple Watch SE-ის განახლებული ვერსიაც ვიხილოთ.

iOS 16

IPhone-ის მფლობელები, რომლებიც არ აპირებენ რაიმე ახალი მოწყობილობის შეძენას ამ შემოდგომაზე, მაინც მიიღებენ ყოველწლიურ განახლებას iPhones-ის პროგრამული უზრუნველყოფის, iOS 16-ისთვის, რომელიც ზაფხულის განმავლობაში ტესტირებაში იყო.

პროგრამას აქვს რამდენიმე ახალი ფუნქცია, რომელსაც მომხმარებლები დაუყოვნებლივ შეამჩნევენ. მისი ყველაზე დიდი ფუნქცია არის iPhone-ის დაბლოკვის ეკრანის მორგების შესაძლებლობა ვიჯეტებით, რომლებსაც შეუძლიათ ამინდის პროგნოზების, კალენდარული შეხვედრებისა და სხვა ინფორმაციის ჩვენება ერთი დახედვით. მომხმარებლებს ასევე შეუძლიათ პირველად შეცვალონ დაბლოკილი ეკრანის საათის შრიფტი.

IOS 16 ასევე საშუალებას გაძლევთ, გააუქმოთ ან დაარედაქტიროთ iMessage ტექსტური შეტყობინებები, თუ მათ მიიღებთ გაგზავნიდან რამდენიმე წუთში.

IOS 16 ასევე დანერგავს მოკლევადიან სესხებს Apple-ისგან, სახელწოდებით Apple Pay Later. ეს ფუნქცია მომხმარებლებს საშუალებას მისცემს, შეიძინონ ნივთები ონლაინ Apple Pay-ით, მაგრამ გადაიხადონ ნივთი განვადებით პროცენტის გადახდის გარეშე.

iOS 16-ის ერთ-ერთი კარგი ფუნქცია ის არის, რომ თუ მომხმარებელს აქვს iPhone და Mac ლეპტოპი ან დესკტოპი, მათ შეუძლიათ გამოიყენონ iPhone, როგორც ძალიან მაღალი გარჩევადობის ვებ კამერა.

iPad, Mac

Apple სავარაუდოდ არ გამოუშვებს ახალ iPad-ებს მომავალ კვირას, რადგან მათი პროგრამული უზრუნველყოფა ჯერ არ არის მზად. ამ თვის დასაწყისში, ეფლიმ განაცხადა, რომ iPadOS, iPad-ის პროგრამული უზრუნველყოფა გამოვა iOS-ის შემდეგ ამ შემოდგომაზე.

Apple-ის განცხადება მოკლე იყო და კომპანიას არ მოსწონს გამოუცხადებელ პროდუქტებზე საუბარი. მაგრამ ზოგადად, მას მოსწონს ახალი ტექნიკის გამოშვება ახალ პროგრამულ უზრუნველყოფასთან ერთად, ამიტომ განცხადებაში ნათლად იყო ნათქვამი, რომ ახალი iPad-ები გამოვიდოდა უფრო გვიან, ვიდრე iPhone-ბი.

IPadOS და iOS ძალიან ჰგვანან ერთმანეთს, მაგრამ წელს iPadOS მიიღებს ფუნქციას სახელწოდებით Stage Manager, რომელიც მომხმარებლებს საშუალებას აძლევს, შეასრულონ მრავალი დავალება უფრო ეფექტურად. გაუმჯობესებული iPad-ები შეიძლება შეიცავდეს უფრო მძლავრ პროცესორებს, რომლებიც უფრო ახლოსაა ლეპტოპის პროცესორებთან, უფრო გლუვ ეკრანებთან და აქსესუარებთან უკეთესი ინტეგრაცია აქვთ.