Facebook პროფილებიდან გარკვეულ ინფორმაციას წაშლის

Facebook მომხმარებლებს აცნობებს, რომ მომდევნო თვიდან ამოშლის ოთხი ინფორმაციის ველს პროფილებიდან. ეს ველები მოიცავს რელიგიურ შეხედულებებს, პოლიტიკურ შეხედულებებს, მისამართებს და ველს „დაინტერესებულია“, რომელიც მიუთითებს მომხმარებლის სექსუალურ ორიენტაციაზე. ცვლილება ძალაში შევა 1 დეკემბერს. კომპანიის სპიკერმა განაცხადა, რომ ცვლილების მიზეზი არის სოციალური ქსელის გაადვილება.

„იმისთვის, რომ გავამარტივოთ ფეისბუქის ნავიგაცია და გამოყენება, ჩვენ ვშლით პროფილის რამდენიმე ველს: დაინტერესებული, რელიგიური შეხედულებები, პოლიტიკური შეხედულებები და მისამართი“, – თქვა სპიკერმა განცხადებაში. „ჩვენ ვუგზავნით შეტყობინებებს იმ ადამიანებს, რომლებსაც ეს ველები აქვთ შევსებული, ვაცნობებთ მათ, რომ ისინი წაიშლება.”

Facebook-ის გადაწყვეტილება, თავი დააღწიოს ამ სპეციფიკურ პროფილის ველებს, არის მისი პლატფორმის გამარტივების მცდელობის ნაწილი, რომელიც ამჟამად შედგება რამდენიმე მახასიათებლისგან. აღსანიშნავია, რომ საინფორმაციო ველები, რომელთა წაშლასაც Facebook ირჩევს, სხვა ძირითად სოციალური ქსელებს არ ახასიათებს. პლატფორმებს, როგორიცაა: Instagram და TikTok, აქვთ მარტივი ბიოგრაფიები, რომლებიც მომხმარებლებს საშუალებას აძლევს, გააზიარონ ცოტა რამ საკუთარი თავის შესახებ კონკრეტული დეტალების გარეშე.

სიახლებიის ბუმი მას შემდეგ დაიწყო, რაც მეტამ 11,000 თანამშრომელი გაათავისუფლა, რაც მისი მუშახელის დაახლოებით 13%-ს შეადგენს.