როგორ გადავიხდით ნივთის საფასურს მეტავერსში?

მიუხედავად იმისა, რომ ჯერ კიდევ არ არის განსაზღვრული, ბევრი ფიქრობს, რომ მეტავერსი იქნება ვირტუალური სამყარო, სადაც ადამიანები გამოიყენებენ “ავატარებს” ერთმანეთთან ურთიერთობისთვის. მომავალში, ადამიანებს საშუალება ექნებათ, იყიდონ ან დაესწრონ შეხვედრებსა თუ გასართობ ღონისძიებებს მეტავერსში და ეს ყველაფერი თითქოს რეალობას გავს.

მიუხედავად იმისა, რომ ჩვენ უკვე ხედავთ მეტავერსის გარკვეულ ნაწილებს აქა-იქ, ონლაინ თამაშებში, როგორებიცაა: Fortnite და Roblox, ჯერ კიდევ არ ვიცით, როგორი იქნება სრულყოფილი მეტავერსი.

თუმცა არის ერთი რამ, რაც შეგვიძლია დანამდვილებით ვთქვათ: მეტავერსი არ იქნება წარმატებული პროდუქციისა და მომსახურების გადახდის საიმედო, სანდო და მარტივი გზების გარეშე.

გადახდები ვირტუალურ სამყაროში

ნებისმიერ შემთხვევაში, გადახდები იქნება მთავარი დეტალი ღირსეული ვირტუალური „სამყაროს“ შესაქმნელად. არსებობს ასეთი კითხვები: გაჩნდება თუ არა ერთიანი ვალუტა ყველა ტრანზაქციისთვის? და რა შეიძლება იყოს ეს ვალუტა? დოლარი? კრიპტო? ამჟამად, გადახდის მეთოდები მეტავერსის მსგავს გარემოში არაერთგვაროვანია. Roblox თამაშის პლატფორმაზე მოთამაშეები ყიდულობენ და ყიდიან ვირტუალურ ნივთებს “Robux”-ის გამოყენებით, რომლებიც იცვლებიან რეალურ ვალუტაში, როგორიცაა აშშ დოლარი. დეცენტრალენდში ისინი იყენებენ MANA-ს, რომელიც არის ციფრული აქტივის ტოკენი და ის აგებულია Ethereum-ის ბლოკჩეინზე.

კარგი ამბავი ის არის, რომ თუ ბლოკჩეინის ტექნოლოგიას გამოვიყენებთ, შესაძლოა, არ დაგვჭირდეს ერთიანი ვალუტა. იმის გამო, რომ ის დიზაინით თავსებადია, ბლოკჩეინის სხვადასხვა პროტოკოლებს შეუძლიათ, ერთმანეთთან მონაცემების გაზიარება, რაც ნიშნავს, რომ ბლოკჩეინს შეუძლია, აწარმოოს უწყვეტი ტრანზაქციის გაცვლა.

ასეთი სწრაფი და მარტივი გადახდის სისტემა დიდ შესაძლებლობას მისცემს მეტავერსის სწრაფად განვითარებას. ამ პროცესის დასაჩქარებლად კი, მთავრობები, ბანკები და ტექნოლოგიური კომპანიები ახლა უნდა გაერთიანდნენ, რათა განიხილონ, თუ როგორ იმუშავებს გადახდები და ვალუტა ამ სივრცეში.

როგორ შეუძლიათ კომპანიებს მეტავერს გადახდების მიღება?

თავის მხრივ, ბიზნეს ლიდერებს შეუძლიათ, იფიქრონ იმაზე, თუ როგორ შეძლებენ გადახდების მიღებას ვირტუალური სამყაროდან. მეტავერსი შექმნის მომხმარებელთა ახალ ქცევებსა და მოლოდინებს, რაც მოითხოვს გადახდის ინოვაციურ ვარიანტებს, რომლებიც ნდობას გაამყარებს.

მაგალითად, კომპანიებს, რომლებიც აწარმოებენ სპორტულ ან გასართობ ღონისძიებებს, შეუძლიათ, მომხმარებლებს შესთავაზონ სპეციალური NFT-ები.

და ბოლოს, ბიზნესმენებმა უნდა იფიქრონ იმაზე, თუ როგორ შეიძლება მეტავერსის ჩართვა ბიზნესისა და გაყიდვების მიზნებში. როგორ შეიმუშავებენ, შექმნიან და გაყიდიან თავიანთ ვირტუალურ პროდუქტებს? გამომდინარე იქიდან, რომ მეტავერსი სულ უფრო და უფრო აქტუალური ხდება, სწორედ ახლაა ამ საკითხებზე ფიქრი მნიშვნელოვანი.