როგორ დავწეროთ სამუშაოს აღწერილობები სწორად?

ხშირად ხდება ისე, რომ დამსაქმებლებს სურთ, კანდიდატებს აჩვენონ, რომ DEI მრავალფეროვნება, თანასწორობა და ინკლუზია მათი კომპანიის პრიორიტეტია. და მართლაც, მრავალრიცხოვანმა კვლევამ აჩვენა, რომ მრავალფეროვნება იწვევს ინოვაციებისა და წარმატების მაღალ დონეს. მაგალითად, McKinsey-ის მიხედვით, მრავალფეროვანი გუნდები გვთავაზობენ 35%-იან მატებას ფინანსურ შემოსავლებში, ნაკლებად მრავალფეროვან ბიზნესებთან შედარებით.

მაგრამ მხოლოდ იმის თქმა, რომ დამსაქმებელი ზრუნავს მრავალფეროვნებაზე, რეალურად არაფერია, თუკი კადრებს მაქსიმალურად მკაცრად შეარჩევს და მხოლოდ მათ მისცემს შანსს, რომელთაც დიდი სამუშაო გამოცდილება აქვთ.

თუ ნამდვილად მრავალფეროვნება გსურთ კომპანიაში, მაშინ გაითვალისწინეთ შემდეგი რჩევები:

წაშალეთ აღწერილობაში მინიმალური გამოცდილება და განათლების მოთხოვნები

გამოცდილებს ყოველთვის ექნებათ შანსი დასაქმდნენ მაშინ, როცა გამოუცდელი კადრები აქტიურად ეძებენ სამსახურს. თუკი მართლა გსურთ კომპანიაში მრავალფეროვანი და ინოვატორული გარემო შექმნათ, აიყვანეთ ისეთი თანამშრომლები, რომლებსაც არ აქვთ გამოცდილება და განათლება, თუმცა კი, აქვთ მოტივაცია, სრული დატვირთვით და ენთუზიაზმით აკეთონ საქმე.

გარდა ამისა, ამ დეტალების ამოღება აღწერილობიდან იმასაც გამოიწვევს, რომ არასათანადო განათლების ან გამოცდილების მქონე ადამიანები არ დაბრკოლდნენ რეზუმეს გამოგზავნისას მაშინ, როცა მათ თავისუფლად შეუძლიათ, სამუშაოს შესრულება.

ამოიღეთ სიტყვა „მოთხოვნები“ მთლიანად

არც ერთ კანდიდატს არ აქვს ყველაფერი, რასაც ეძებთ. და თუკი ასეთს იპოვით, ის აუცილებლად გეტყვით, რომ, ზედმეტად კვალიფიცირებულია ამ როლისთვის და გადააჭარბებს იმას, რისი შეთავაზებაც კომპანიას შეუძლია კარიერის განვითარების თვალსაზრისით. ასე რომ, იმის ნაცვლად, რომ გამოიყენოთ სათაური, როგორიცაა „მოთხოვნები“, აირჩიეთ ისეთი სათაურები, როგორიცაა „როგორი იქნება შესანიშნავი კანდიდატი“ და „რას გააკეთებ ამ პოზიციაზე” და ა.შ მსგავსი მიდგომით კანდიდატებს აღარ “დააფრთხობთ”.

იყავით გამჭვირვალე ანაზღაურების შესახებ

კომპანიები, რომლებიც აზიარებენ ინფორმაციას ხელფასის შესახებ სამუშაოს აღწერილობაში, აგზავნიან მკაფიო გზავნილს იმის შესახებ, რომ ესმით სისტემური მიკერძოება, რომელიც თან ახლავს ანაზღაურების გამჭვირვალობის ნაკლებობას და მათ ვალდებულებას, შეცვალონ ეს ტენდენცია.

შეწყვიტეთ ექსკლუზიური ან მიკერძოებული ენის გამოყენება

იფიქრეთ: სპორტული ტერმინები, კორპორატიული საუბარი, ან სიტყვები, რომლებიც არასწორად ითვისებენ კულტურულ ენას. ეს არა მხოლოდ აშინებს იმ ადამიანებს, რომლებსაც არ ესმით ეს ტერმინები, არამედ ის ასევე უმიზნოა და მოქმედებს, როგორც ნათელი სიგნალი იმისა, რომ თქვენი გუნდი არ ფიქრობდა მრავალფეროვანი აუდიტორიის პერსპექტივაზე, როდესაც სამუშაოს აღწერილობას წერდით.

თქვენ მართლაც არ გჭირდებათ წინასწარი გამოცდილება საწყისი დონის პოზიციებზე. ყველას არ აქვს წვდომა ამ გამოცდილებაზე.

უთხარით თქვენს კანდიდატებს, რომ მზად ხართ ერთად ივარჯიშოთ სამუშაოზე. უთხარით, რომ განაცხადონ მაშინაც კი, თუ ისინი ნერვიულობენ კვალიფიკაციის გამო. მერწმუნეთ, იმის ცოდნა, რომ თქვენ აქტიურად უჭერთ მხარს მათ და გინდათ, რომ მათ წარმატებას მიაღწიონ, შეიძლება იყოს დიდი მოტივაცია მათთვის, ვინც ძალიან ნერვიულობს განაცხადის შევსებისას და ვინც გამბედაობას იკრებს და დააწკაპუნოს ამ განაცხადის გაგზავნაზე.