ვიდეო მარკეტინგის მნიშვნელობა მცირე ბიზნესებისთვის

ვიდეო ბიზნესებისთვის აუდიტორიასთან კომუნიკაციის დამყარების ერთ-ერთი შესანიშნავი საშუალებაა. ეს კი იმიტომ, რომ ადამიანების ყურადღებას უფრო მეტად ვიზუალური მასალა იპყრობს. თუმცა, არსებობს მოსაზრება, რომ ვიდეო მარკეტინგი უფრო მეტად ძლიერი კორპორაციებისთვისაა ხელმისაწვდომი. მათ შესაქმნელად საჭირო ბიუჯეტი, დრო და უნარები ის მთავარი მიზეზებია, რის გამოც მცირე ბიზნესები ამ ტიპის მარკეტინგს თავს არიდებენ.

მაგრამ, რეალურად, ვიდეო მარკეტინგი არც ისეთი მიუწვდომელია, როგორც ამას ხშირად ფიქრობენ ხოლმე. სწორედ ამიტომ, ქვემოთ გიამბობთ, რატომ არის ის მნიშვნელოვანი მცირე ბიზნესისთვის და როგორ უნდა გამოიყენონ სტარტაპებმა ამ მედიის ძალა.

რა არის ვიდეო მარკეტინგი?

ვიდეო მარკეტინგი მოიაზრებს ვიდეოების დაგეგმვას, შექმნასა და მათ გამოყენებას თქვენი ბიზნესის პროდუქტებისა თუ სერვისების პოპულარიზაციისთვის. მისი მიზანი პოტენციური მომხმარებლების მოგროვებაა მარტივი, გასართობი გზით.

ამ ტიპის მარკეტინგს შეუძლია განსაკუთრებულად კარგი შედეგების მოტანა და მარკეტერებმა ეს კარგად იციან. HubSpot-ის 2020 წლის მარკეტინგის მდგომარეობის მოხსენებამ აჩვენა, რომ ვიდეო იყო მედიის საუკეთესო ფორმა, რომელიც კონტენტ მარკეტინგში გამოიყენება, განსხვავებით ბლოგებისგან ან ინფოგრაფიკისგან.

და მაინც, რატომ არის ამ ტიპის კონტენტი ასეთი ეფექტური მარკეტინგში?

უფრო მაღალი კონვერსიის მაჩვენებლები

უბრალო მაყურებლის “ფასიან” მომხმარებლებად გადაქცევა – სწორედ ესაა მარკეტინგის საბოლოო მიზანი.

2015 წელს Vidyard-ის კვლევამ აჩვენა, რომ ვიდეო მარკეტინგს 27%-ით უფრო მაღალი “დაწკაპუნების” კოეფიციენტი და 34%-ით მაღალი კონვერსიის კოეფიციენტი აქვს.

გაუმჯობესებული სოციალური წვდომა

ზოგიერთი ყველაზე პოპულარული სოციალური მედიის პლატფორმა ვიზუალურ შინაარსზეა ოპტიმიზებული. Facebook, Instagram, Pinterest, YouTube და Twitter გთავაზობთ შესანიშნავ შესაძლებლობას, გააუმჯობესოთ თქვენი ბიზნესის სოციალური წვდომა და გაზარდოთ ბრენდის ცნობადობა.

ვიდეოები ინტენსიურად გაზიარებადი კონტენტის ტიპია, თანაც Facebook ორიგინალურ ვიდეოებს მომხმარებლის არხებში პრიორიტეტს ანიჭებს. ეს ნიშნავს, რომ მათ აქვთ პოტენციალი, ბევრად უფრო შორს “წავიდნენ”, ვიდრე ნებისმიერი სხვა სახის სარეკლამო პოსტი.

მეტი სანდოობა 

ვიდეო გაძლევთ შესანიშნავ შესაძლებლობას, თქვენი სამიზნე აუდიტორიის ნდობა მოიპოვოთ. თქვენ შეგიძლიათ, მიაწოდოთ ღირებული ინფორმაცია პოტენციურ კლიენტებს ადვილად ათვისებადი ვიდეო ფორმატით, თუნდაც, როგორებიცაა:

• პროდუქტის აღწერილობები
• სასწავლო ვიდეოები
• როგორ-ფორმატი

ვიდეოები თქვენი აუდიტორიისთვის ღირებულ კონტენტს წარმოადგენენ და მათ შეუძლიათ, თქვენი ბიზნესი თქვენსავე სფეროში ავტორიტეტად დააპოზიციონირონ. ხოლო როგორც ინდუსტრიის ლიდერი, თქვენს ნიშაში მყოფი ადამიანები უფრო მეტად მოვლენ თქვენთან ინფორმაციის მისაღებად ან პროდუქტის შესაძენად.

გარდა ამისა, Wyzowl-ის 2020 წლის კვლევის მიხედვით, ადამიანების 86% ამბობს, რომ სწორედ ბრენდის ვიდეომ დაარწმუნა ისინი, პროდუქტი ან მომსახურება ეყიდათ.

ვიდეო მარკეტინგი აძლიერებს სხვა მარკეტინგულ სტრატეგიებს

ვიდეო არის მარკეტინგის დინამიური ფორმა, რომელიც ადვილად ერწყმის სხვა სტრატეგიებს.

მაგალითად, თუ თქვენ უკვე აქვეყნებთ სასწავლო ბლოგებს, შეგიძლიათ, შექმნათ იგივე მასალა ვიდეო ფორმატში მათთან ერთად გასაზიარებლად. ანალოგიურად, თუ თქვენ შექმენით ელ.ფოსტის ვრცელი სია, შეგიძლიათ, დაიწყოთ ვიდეო მარკეტინგის ჩართვა თქვენს ელ.ფოსტის კამპანიებში მათი ეფექტურობის გასაძლიერებლად.

როგორ შევქმნათ ვიდეო მარკეტინგის სტრატეგია

აქ არის რამდენიმე ნაბიჯი, რომელიც უნდა გადადგათ ამ ტიპის მარკეტინგის სტრატეგიის შესაქმნელად:

1. აირჩიეთ აუდიტორია და დაისახეთ მიზნები

ყოველი მარკეტინგული კამპანია უნდა დაიწყოს კვლევით. ეს ინფორმაცია აუცილებლად გაზრდის ფასიანი მომხმარებლების რიცხვს.

დაუსვით საკუთარ თავს შემდეგი კითხვები:

• როგორია თქვენი სამიზნე აუდიტორია?
• რა სახის კონტენტზე რეაგირებს თქვენი სამიზნე აუდიტორია დადებითად ყველაზე მეტად?
• სად ატარებენ ისინი ყველაზე მეტ დროს ონლაინ?

განიხილეთ თქვენი მიზნები. შესაძლოა, თქვენ გსურთ ბრენდის ცნობადობის გაზრდა თქვენი ბიზნესის სახელწოდების რაც შეიძლება მეტი ადამიანის წინაშე წარდგენით. შესაძლოა, გსურთ ახალი პროდუქტის შემოტანა ბაზარზე, რომლის შესახებაც, გინდათ, რომ კონკრეტულმა ჯგუფმა შეიტყოს.

თქვენი მიზნების გარკვევა და თქვენი სამიზნე აუდიტორიის აღმოჩენა წარმატებული ვიდეო მარკეტინგის სტრატეგიისთვის კარგ საფუძველს შექმნის.

2. შეინარჩუნეთ თანმიმდევრული ბრენდინგი

ვიდეო მარკეტინგის სტრატეგიაში თქვენ შეგიძლიათ აჩვენოთ თქვენი ბრენდი სხვადასხვა ტექნიკური ასპექტით, მათ შორის:

• თრობის ტონი და ენა
• ვიდეოს სიგრძე
• Მუსიკალური ფონი
• პროლოგი და ეპილოგი

3. გააკეთეთ არჩევანი თქვენით შექმნასა და აუთსორსსს შორის

მას შემდეგ რაც ნათლად გესმით, თუ როგორი გინდათ, თქვენი ვიდეო მარკეტინგის სტრატეგია იყოს, დროა მასზე მუშაობა დაიწყოთ. მცირე ბიზნესის მფლობელებს ხშირად უჭირთ არჩევანის გაკეთება ფულის დაზოგვის მიზნით ვიდეობის თავად დამუშავებასა და ხარისხის უზრუნველყოფის მიზნით პროფესიონალური გუნდის დაქირავებას შორის.

მიუხედავად იმისა, რომ არ არსებობს მკაფიო პასუხი, რომელიც ყველა სიტუაციას მოერგება, გასათვალისწინებელია რამდენიმე კრიტიკული ფაქტორი:

• რა ოდენობის ფული უნდა დახარჯოთ მარკეტინგში
• თქვენი უნარი, შექმნათ ვიდეოები
• ხარისხის დონე, რომელსაც თქვენი აუდიტორია ელის

როგორც შიდა, ისე აუთსორსირებულ ვიდეოწარმოებას თავისი დადებითი და უარყოფითი მხარეები გააჩნია, რაც აშკარა არჩევანის გაკეთებას ართულებს. სწორი პასუხი დამოკიდებული იქნება თქვენი ბიზნესის მიმდინარე საჭიროებებსადა ბიუჯეტზე.

4. ვიდეოების ოპტიმიზაცია თითოეული პლატფორმისთვის

ვიდეო მარკეტინგის სტრატეგიისთვის ფორმატირება ხშირად შეუმჩნეველი საკითხია.

ადამიანები ინსტინქტურად იღებენ ჰორიზონტალურად, რადგან მიჩვეულები არიან ფილმებისა და ტელევიზიის ყურებას. მაგრამ სოციალური მედიის პლატფორმებმა და მობილურმა მოწყობილობებმა ვერტიკალური ფორმატების საჭიროება დაგვანახეს.

პორტრეტული ან ვერტიკალური ფორმატები იდეალურია ვიდეოებისთვის, რომელთა გაზიარებაც გსურთ მობილურ მოწყობილობებზე. სოციალური მედიის საიტების აბსოლუტური უმრავლესობა, როგორიცაა Facebook, Instagram და Tik Tok, ამ ფორმატზეა ორიენტირებული.

5. თვალყური ადევნეთ თქვენი ვიდეოს წარმატებას

აქ მოცემულია რამდენიმე მნიშვნელოვანი მეტრიკა, რომელსაც შეგიძლიათ მიჰყვეთ:

• ნახვების რაოდენობა
• ჩართულობის მაჩვენებელი
• გაზიარება
• ინტერაქცია (მაგ. კომენტარები, მოწონებები, გამოწერები)